Gianni Infantino, forseti FIFA, vonast eftir því að sjá Lionel Messi spila á HM 2034 sem fer fram í Sádi Arabíu.
Messi er einn besti ef ekki besti leikmaður sögunnar en hann verður 47 ára gamall er HM fer fram í Sádi eftir 11 ár.
Líklegt er að Messi eigi aðeins eitt HM í sér til viðbótar en það fer fram í Bandaríkjunum, Kanada og Mexíkó 2026.
Afskaplega litlar líkur eru á að Messi taki þátt á HM 2030 og í raun engar líkur á að hann spili á HM 2034.
Infantino staðfestir þó með þessum orðum að hann sé mikill aðdáandi Argentínumannsins og verður það sorgardagur fyrir fótboltann er hann leggur skóna á hilluna.
,,Ég vil sjá Messi á næsta HM, því næsta sem kemur eftir það og svo það sem fer fram 2034, svo lengi sem hann vill taka þátt,“ sagði Infantino.