Marcos Alonso er að kveðja lið Barcelona samkvæmt spænskum fjölmiðlum en hann spilar afar takmarkað þessa dagana.
Alonso kom til Barcelona frá Chelsea en útlit er fyrir að hann verði ekki leikmaður liðsins á næsta tímabili.
Bakvörðurinn hefur aðeins spilað sjö leiki á þessu tímabili í öllum keppnum og er ekki inni í myndinni hjá Xavi, stjóra Börsunga.
Alonso er á leið til Sádi Arabíu samkvæmt Mundo Deportivo en hann ku vera með nokkur tilboð á borðinu.
Samningur Alonso rennur út næsta sumar en hann vill sjálfur fá að klára tímabilið á Spáni og vill ekki færa sig um set í janúar.