Jose Mourinho, stjóri Roma, er líklega á leið í enn eitt leikbannið en hann hefur lent í nokkrum á sínum ferli.
Mourinho var gríðarlega óánægður með dómarann Matteo Marcenaro er lið hans spilaði við Sassuolo um síðustu helgi.
Mourinho var harðorður í garð Mercenaro eftir leikinn en Roma tókst að vinna 2-1 útisigur og er í fjórða sæti deildarinnar.
Samkvæmt La Gazzetta dello Sport er útlit fyrir að Mourinho verði refsað fyrir ummælin sem hann lét falla eftir lokaflautið.
,,Ef ég á að vera hreinskilinn þá hef ég áhyggjur af þessum dómara,“ sagði Mourinho á blaðamannafundi.
,,Við höfum fengið þennan dómara þrisvar sinnum og ég er sannfærður um að hann sé ekki tilbúinn tillfinningalega séð að starfa á þessu stigi.“
Mourinho verður líklega dæmdur í tíu daga bann en missir af aðeins einum deildarleik.