Guðni Th. Jóhannesson, forseti Íslands, er staddur á Old Trafford þessa stundina og fylgist með leik Manchester United og Bournemouth.
Staðan þessa stundina er 1-0 fyrir gestunum frá Bournemouth en Dominic Solanke skoraði markið í fyrri hálfleik.
Guðni ræddi við heimasíðu Manchester United fyrir leik en hann er stuðningsmaður liðsins og hefur verið í mörg ár.
,,Ég er það svo sannarlega, það er heiður að vera mættur og ég hlakka til leiksins,“ sagði Guðni spurður út í það hvort hann væri harður stuðningsmaður enska liðsins.
,,Þeir heima sem hafa áhuga á íþróttum, við eigum það til að velja lið til að halda með í ensku úrvalsdeildinni. Faðir minn sagði mér að halda með Manchester United og það var að hluta til vegna harmleiksins í Munchen. Ég mun alltaf muna eftir gömlu góðu dögunum og er sannfærður að þeir snúi aftur fyrr frekar en seinna.“
Guðni bætir við að það væri frábær jólagjöf ef framherjinn Rasmus Hojlund myndi skora sitt fyrsta deildarmark fyrir félagið í þessari viðureign.
