Jamie Carragher tekur af sér boxhanskana og veður í Pep Guardiola stjóra Manchester City eftir að hann sendi pillu á Gary Neville og Carragher í gær.

Rætt var um City eftir jafntefli liðsins gegn Tottenham á sunnudag en ummæli frá Carragher og Neville fóru illa í Guardiola.

Guardiola ræddi í gær um það Neville hefði aldrei tekist að vinna deildina fjórum sinnum í röð og að Carragher hefði aldrei unnið deildina á ferli sínum.

Carragher tók þessum ummælum hans illa. „Ég hefði líklega unnið deildina með Liverpool ef félagið hefði verið í eigu þjóðhöfðingja,“ segir Carragher en Manchester City er í eigu Sheikh Mansou frá Sameinuðu arabísku furstadæmunum.

„Liðið hefur beygt reglurnar þannig að enska úrvalsdeildin hefur lagt fram 115 kærur gegn félaginu. Ég var að hrósa Pep eftir leikinn á sunnudag.“

Guardiola og félagar fara í heimsókn til Aston Villa í kvöld í ensku úrvalsdeildinni en City er fjórum stigum á eftir toppliði Arsenal en á leikinn í kvöld til góða.

I think I’d have probably won one if Liverpool were owned by a nation state, and pushed the rules so far that the PL charged us 115 times!!

I was actually praising Pep’s team after the game on Sunday 🤷‍♂️😂 https://t.co/EIW3B1AJve

— Jamie Carragher (@Carra23) December 5, 2023