Mjög umdeilt atvik átti sér stað undir lok leiks Manchester City og Tottenham í gær, sem lauk með 3-3 jafntefli.

Brotið var á Erling Haaland framherja City sem stóð strax upp og sendi Jack Grealish í gegn. Simon Hooper dómari ætlaði að dæma brot en hætti við, þegar hann sá svo boltann fara í gegnum vörn Tottenham tók hann aftur upp flautuna og dæmdi brot.

Jack Grealish var þá að sleppa einn í gegnum vörn Tottenham þegar Hooper flautaði.

Pep Guardiola var spurður út í atvikið eftir leik en sagðist þá ekki ætla að koma með „Mikel Arteta-ummæli“ eins og hann orðaði það.

Var hann þar greinilega að skjóta á fyrrum lærisvein sinn Arteta sem kvartaði sáran undan dómgæslunni á Englandi á dögunum eftir tap Arsenal gegn Newcastle.

Arteta var spurður út í þetta á blaðamannafundi í dag fyrir leik Arsenal gegn Luton á morgun.

„Næsta spurning, takk,“ sagði hann þá og hló. Myndband af þessu er hér að neðan.

"On to the next one please." 😂

Mikel Arteta reacts to Pep Guardiola's post-match interview! pic.twitter.com/cCoiF2CSYh

— Sky Sports Premier League (@SkySportsPL) December 4, 2023