Eins og greint var frá fyrr í vikunni er Bruna Biancardi búin að sparka kærasta sínum, knattspyrnumanninum Neymar, fyrir hegðun hans undanfarið.

Neymar bað OnlyFans stjörnu um nektarmyndir og birti sú skjáskot nýlega af þeim samskiptum. Neymar heldur því að vísu fram að skilaboðin séu nokkurra ára gömul.

Þá sást Neymar með tveimur stelpum í gleðskap fyrir það og var Biancardi allt annað en sátt. Hún gaf honum þó séns en hefur nú sparkað honum.

Í tilefni að fréttum vikunnar tók The Sun saman fjölda atvika úr lífi Neymar utan vallar. Þar er meðal annars fjallað um samning á milli Neymar og Biancardi sem leyfði framhjáhald upp að vissu marki.

Samkvæmt samningnum mátti Neymar daðra við aðrar konur og jafnvel sofa hjá þeim. Það voru þó þrjú skilyrði.

Þau voru að Neymar þyrfti að hafa hljótt um sig til að forðast umfjöllun, vera með smokk og að hann mætti ekki kyssa konurnar á munninn.

Það er spurning hvort Neymar hafi brotið samninginn en Biancardi er allavega búin að sparka honum.