Samkvæmt fréttum á Englandi í dag má Aaron Ramsdale markvörður Arsenal fara frá félaginu næsta sumar, hann fær hins vegar ekki að fara í janúar.

Ramsdale er orðinn varamarkvörður Arsenal eftir að félagið fékk David Raya á láni frá Brentford.

Arsenal ætlar að ganga frá kaupum á Raya og Ramsdale hefur því áhuga á að fara annað.

Ramsdale er sagður vilja fara í janúar enda er hann í hættu á að missa sæti sitt í enska landsliðshópnum vegna stöðunnar.

Aaron Ramsdale var ný búinn að skrifa undir nýjan samning við Arsenal þegar Raya kom, hann var því hissa á því að missa sætið sitt.

Chelsea og Newcastle eru sögð hafa áhuga á Ramsdale en einnig Bournemouth, Sheffield United og Wolves.