Mason Greenwood framherji Manchester United hefur verið að finna taktinn sinn á Spáni en hann var í sumar lánaður til Getafe þegar United tók ákvörðun um að vilja ekki spila honum.

Greenwood hafði ekki spilað fótbolta í átján mánuði þegar hann var lánaður til Spánar. Eftir að hafa verið sakaður um alvarlegt ofbeldi, var hann hreinsaður af ásökunum þegar lögregla felldi málið niður.

Greenwood er nú orðaður við tvö stærri félög á Spáni eftir að hafa staðið sig vel með Getafe, sem er nokkuð lítið félag í La Liga.

Segir í fréttum í dag að bæði Valencia og Real Sociedad hafi bæði áhuga á því að kaupa framherjann frá Englandi.

Sociedad er í góðri stöðu í Meistaradeild Evrópu og Valencia er eitt af stóru félögunum á Spáni.

Ekki er þó talið útilokað að United gefi Greenwood tækifæri næsta sumar ef málin í kringum hafa róast en málið var eldfimt á sínum tíma.