Fulham er tilbúið að lækka verðmiðann á Joao Palhinha sem FC Bayern var nálægt því að kaupa í sumar.

Palhinha var mættur til Þýskalands á lokadegi félagaskiptagluggans og kláraði læknisskoðun.

Palhinha fór svo í myndatöku sem nýr leikmaður Bayern þegar Fulham hætti við að skrifa undir pappírana.

Palhinha gerði nýjan samning við Fulham á dögunum en samt eru taldar miklar líkur á að hann fari í janúar.

Bild í Þýskalandi segir að Fulham sé tilbúið að selja Palhinha á minni pening en í sumar en þá ætlaði Bayern að borga 56 milljónir punda.

Palhinha er landsliðsmaður Portúgals og var í byrjunarliði gegn Íslandi á sunnudag.