Vestri 1 – 0 Afturelding
1-0 Iker Hernandez Ezquerro(‘103)
Lið Vestra er komið í Bestu deild karla eftir leik við Aftureldingu sem fór fram á Laugardalsvelli í kvöld.
Vestri kom þar mörgum á óvart og vann 1-0 sigur en eina mark leiksins var skorað í framlengingu.
Venjulegum leiktíma lauk með markalausu jafntefli en Iker Hernandez Ezquerro tryggði Ísfirðingunum sigur.
Iker skoraði markið á 103. mínútu og reyndist það nóg til að tryggja Vestra sæti í efstu deild að ári.
Afturelding spilaði lokamínúturnar manni færri en Andri Freyr Jónasson fékk beint rautt spjald tveimur mínútum eftir mark Iker.
Andri missti hausinn og hrinti leikmanni Vestra sem gerði Mosfellingum erfiðara fyrir að jafna metin.