Gylfi Þór Sigurðsson sneri aftur í lið Lyngby fyrir viku síðan þegar hann spilaði gegn Vejle í dönsku úrvalsdeildinni.

433.is var á staðnum og ræddi við stuðningsmenn Lyngby um Gylfa og þjálfarann Frey Alexandersson.

Allir töluðu afar vel um Íslendingana en enginn betur en hópur ungra Dana á vellinum. Þegar 433.is ræddi við þá voru þeir nýbúnir að fá mynd af sér með Gylfa og þá hafði Freyr keypt skot handa þeim á barnum.

Það var sýnt frá þessu í Íþróttavikunni sem kom út í kvöld hér á 433.is.

Hér að ofan má sjá umræðuna um endurkomu Gylfa á völlinn sem og innslagið frá Lyngby.