Óskar Hrafn Þorvaldsson, þjálfari Íslandsmeistara Breiðabliks var lang launahæsti þjálfari Bestu deildarinnar á síðasta ári miðað er við greitt útsvar á síðasta ári en fjölmiðlar fengu aðgang að þeim gögnum í dag hjá Skattinum.

Óskar þénaði tæpa 1,5 milljón á mánuði sem þjálfari Breiðabliks sem er miklu meira en Arnar Gunnlaugsson þjálfari Víkings sem þénaði rúmar 750 þúsund krónur á mánuði á síðasta ári.

Hallgrímur Jónasson sem var aðstoðarþjálfari KA í fyrra en stýrir liðinu í dag var langt undir lágmarkslaunum á síðasta ári og náði ekki upp í 200 þúsund krónur á mánuði.

Hermann Hreiðarsson slefaði yfir 350 þúsund krónurnar sem þjálfari ÍBV en Arnar Grétarsson þjálfari Vals var með tæpar 650 þúsund krónur á mánuði.

Heimir Guðjónsson þjálfari FH og Jón Sveinsson þjálfari Fram fóru yfir milljón á mánuði en aðrir þénuðu minna eins og sjá má í samantektinni hér að neðan.

Þjálfarar í Bestu deildinni – Lið – Laun:
Arnar B. Gunnlaugsson Víkingur 762,662
Jón Þ. Sveinsson Fram 1,167,180
Jökull Ingi Elísabetarson Stjarnan 487,190
Ómar Ingi Guðmundsson HK 670,611
Arnar Grétarsson Valur 645,479

Óskar Hrafn Þorvaldsson Breiðablik 1,419,986
Hallgrímur Jónasson KA 198,736
Rúnar Kristinsson KR 708,502
Heimir Guðjónsson FH 1,063,530
Rúnar Páll Sigmundsson Fylkir 979,844
Hermann Hreiðarsson ÍBV 366,653
Sigurður Ragnar Eyjólfsson fyrrv. Keflavík 901,758