Á fundi sínum 14. júní síðastliðinn samþykkti stjórn KSÍ að sækja um að ársþing Knattspyrnusambands Evrópu (UEFA) árið 2027 verði haldið á Íslandi í tengslum við 80 ára afmæli KSÍ, 26. mars það ár.
Í fundargerð stjórnar kemur fram að áætlaður kostnaður KSÍ af verkefninu yrði lítill og að „það yrði mikill heiður og viðurkenning fyrir KSÍ að fá slíkt verkefni til landsins“.
Möguleiki er á að nýr forseti UEFA verði kjörinn á þinginu 2027 þar sem kjörtímabili Aleksander Ceferin lýkur þá.
