Því er haldið fram í hlaðvarpinu Dr. Football í dag að Gylfi Þór Sigurðsson íhugi það alvarlega að ganga í raðir Vals á næsta tímabili.

Gylfi hefur undanfarið æft að krafti á Spáni samkvæmt fréttum en mál hans tók enda í maí og var hann þá frjáls ferða sinna á nýjan leik.

„Maður er að heyra Valur, að hann ætli að fara þangað í glugganum. Gylfi Sig á Hlíðarenda,“ sagði Albert Brynjar Ingason fyrrum framherji Vals í þættinum.

„Hann er ekki byrjaður að æfa þarna, maður heyrði fyrst að hann ætlaði bara að spila fyrir lið á grasi. Hvort er betra fyrir skrokkinn ónýtt gras eða gott gervigras?,“ sagði Albert og var á því að gott gervigras væri frekar málið.

„Þetta er saga númer átta sem maður heyrir, þetta er frá ágætum heimildum. Maður getur skilið það, umhverfið og með leikmennina sem eru þarna. Aron Jó, Hólmar og Frederik Schram. Það fylgdi sögunni að hann færi svo eftir tímabilið til Katar.“

Hjörvar Hafliðason segir að þetta sé það sem íslenskur fótbolti þar. „Það væri rosalegt, það væri geggjað. Þetta er það sem deildin þarf á að halda.·