Chelsea fær samkeppni um Andre Onana markvörð Inter en Guardian segir frá því í dag að Manchester United sé byrjað að eltast við hann.

Onana og Erik ten Hag þekkjast vel eftir vel heppnað samstarf hjá Ajax. Guardian segir Onana frekar vilja fara til United en Chelsea.

Onana var öflugur í marki Inter á liðnu tímabili þar sem liðið lék til úrslita í Meistaradeild Evrópu.

David de Gea verður samningslaus eftir tvær vikur og ekki hefur tekist að ganga frá nýjum samningi. Dvöl hans hjá félaginu gæti því tekið enda.

Sama hvað gerist þar er vitað að Ten Hag vill aukna samkeppni fyrir Spánverjann og Onana er sagður líklegur kostur ásamt Diogo Costa markverði Porto.