Það er óljóst hvað verður um Joao Felix í sumar. Kappinn er opinn fyrir því að vera áfram á Englandi.

Felix var á láni hjá Chelsea seinni hluta síðustu leiktíðar frá Atletico Madrid.

Nýr stjóri Chelsea, Mauricio Pochettino, hefur ekki áhuga á að fá portúgalska sóknarmanninn alfarið á Stamford Bridge.

Felix vill hins vegar ekki vera áfram hjá Atletico Madrid og leitar sér því að nýju félagi.

Samkvæmt Marca er Felix til í að fara í minna félag vegna skorts á möguleikum í sumar og til að vera áfram á Englandi.

Eru Aston Villa og Wolves nefnd til sögunnar sem hugsanlegir áfangastaðir.