Hjá Paris Saint-Germain eru menn steinhissa á því að Kylian Mbappe hafi formlega látið vita af því að hann ætlaði sér ekki að virkja klásúlu í samningi símum við félagið.

Mbappe skrifaði undir tveggja ára samning við PSG í fyrra með möguleika á árs framlengingu. Aðeins hann gat virkjað þann möguleika.

Kappinn hefur ákveðið að gera það ekki, en greint var frá þessu í gærkvöldi.

PSG er mjög hissa á formlegu bréfi sem Mbappe sendi félaginu í gærkvöldi þess efnis að hann hyggðist ekki virkja möguleikann á eins árs framlengingu. Sá möguleiki hefði nefnilega sjálfkrafa verið sleginn af borðinu 1. ágúst næstkomandi, nema samið væri um annað.

Mbappe var sterklega orðaður við Real Madrid í fyrra áður en hann framlengdi við PSG.

PSG vill ekki missa Mbappe frítt og er því útlit fyrir að tveir kostir séu í stöðunni: Að Mbappe skrifi undir nýjan samning eða verði seldur í sumar.

PSG are surprised with Kylian Mbappé decision as there was NO legal need for Mbappe to send any letter — as from August 1 it’s automatically non-renewal. 🔴🔵 #PSG

Paris position is clear: sign new deal or club open to let him go THIS summer. pic.twitter.com/AmETZt2YrQ

— Fabrizio Romano (@FabrizioRomano) June 12, 2023