„Gleymið kærustunum, það eru dætur knattspyrnumannana sem vekja athygli núna,“ segir í frétt sem The Sun birti nýlega. Í greininni er farið yfir þær dætur knattspyrnumanna sem hafa vakið hvað mesta athygli. Sumar þeirra eru nú í sambandi með knattspyrnumönnum en ein þeirra er trúboði. Allar eiga þær það sameiginlegt að vera ýmist fyrirsætur eða áhrifavaldar.
Estelle Bergkamp
Estelle er dóttir Arsenal-goðsagnarinnar Dennis Bergkamp. Estelle er þessa stundina í sambandi með miðjumanni Manchester United, Donny van de Beek, en þau voru saman þegar hann fór til Manchester frá Ajax. Estelle kann eflaust vel við sig á Englandi en hún fæddist og bjó þar fyrstu árin á meðan faðir hennar spilaði í ensku úrvalsdeildinni.
Jade Leboeuf
Faðir Jade er fyrrum stjarna Chelsea á Englandi, Frank Leboeuf. Jade vill verða leikkona en þessa dagana er hún hvað þekktust sem fyrirsæta. Hún bjó nýlega í Los Angeles í stuttan tíma en þaðan fór hún svo til Parísar. Fyrir sex mánuðum síðan eignaðist hún sitt fyrsta barn, soninn Elon.
Taylor Ward
Taylor er dóttir enska knattspyrnumannsins Ashley Ward en hún hefur vakið mikla athygli í raunveruleikaþáttunum Real Housewifes of Cheshire. Taylor er í sambandi með einni af stjörunum í Manchester City, Riyad Mahrez. Þá er hún einnig samfélagsmiðlastjarna en hún er afar vinsæl á samfélagsmiðlinum Instagram, þar er hún með rúmlega 800 þúsund fylgjendur.
Pamela Higuita
Faðir Pamelu er enginn annar en kólombíski markvörðurinn Rene Higuita. Rene var einn skrautlegasti markvörður sem knattspyruheimurinn hefur séð en nú virðist vera sem dóttir hans ætli sér að taka athyglina. Á dögunum birti hún mynd sem rímar afar mikið við mynd sem Rene lét taka af sér á sínum tíma þar sem hann hélt fótbolta fyrir kynfærunum sínum. Á myndinni sem dóttir hans birti heldur hún einnig bolta fyrir kynfærunum sínum en hin hendin hylur brjóstin.
View this post on Instagram
Danielle Favato
Danielle er ein af sex börnum brasilísku goðsagnarinnar Romario. Danielle er virkilega vinsæl á samfélagsmiðlinum Instagram en þar fylgja henni um 264 þúsund manns. Svo virðist vera sem hún hafi erft eitthvað af knattspyrnuhæfileikum föður síns en hún hefur deilt myndböndum af sér sýna taktana í fótboltablaki á ströndinni.
Stephannie Oliveira
Stephannie er dóttir annarrar brasilískrar goðsagnar, Bebeto. Stephannie er líklegast með óvenjulegasta ferilinn á listanum en hún er fyrirsæta, leikkona, tónlistarkona og trúboði. Þegar hún fær tíma frá myndatökum og tónlistinni þá ferðast hún um heiminn og boðar boðskap Jesú Krists.
Charlotte Caniggia
Charlotte er án efa vinsælust á listanum sem The Sun tók saman en hún er með tvær og hálfa milljón fylgjenda á Instagram. Hún er sjónvarpsstjarna en hún hefur til að mynda tekið þátt í argentísku útgáfu dansþáttanna Strictly Come Dancing og í ítölsku útgáfunni af raunveruleikaþættinum Celebrity Big Brother. Charlotte er dóttir Rangers stjörnunnar Claudio Caniggia en hún og bróðir hennar, Alex, hafa einnig verið saman með þátt á MTV í Argentínu.
