Sergio Rico markvörður PSG berst nú fyrir lífi sínu á gjörgæslu á Spáni. Eiginkona hans biður hann um að berjast, því án hans geti hún ekki verið.
Rico sem er frá Spáni fór til heimalandsins í frí en féll af hestbaki á sunnudag. Hann var fluttur með þyrlu á sjúkrahúsið.
Rico varð samkvæmt fréttum fyrir nokkrum skaða í heila og er honum því haldið sofandi á meðan ástandið er metið.
Alba Silva eiginkona hans situr við sjúkrarúm Rico og vonar það besta.
„Ekki fara frá mér, ég get ekki án þín verið. Ég kann ekki á lífið án þín, við eigum þér svo margt að þakka,“ skrifa Alba og birtir fallega mynd af þeim hjónum.
Í annari færslu þakkar hún stuðninginn. „Takk fyrir alla ástina, það er mikið af fólki að biðja fyrir Sergio þessa stundina og hann er mjög sterkur.“
PSG keypti Rico sumarið 2020 en hann hefur verið í aukahlutverki hjá PSG síðan þá.
