Íþróttavikan er komin á fulla ferð hér á 433.is og í Sjónvarpi símans. Helgi Fannar Sigurðsson og Hrafnkell Freyr Ágústsson fá til sín góða gesti í hverri viku og ræða það helsta úr heimi íþrótta. Í þetta sinn var gesturinn fyrrum Alþingismaðurinn Brynjar Níelsson.

Ivan Toney, leikmaður Brentford, var á dögunum settur í átta mánaða bann vegna brota á reglum um veðmál.

„Ég bjóst við ári,“ sagði Hrafnkell um málið í þættinum.

„Mér finnst asnalegt að það sé ekki búið að gera þetta fyrr. Ég held að menn séu pirraðir á því. Þeir eru löngu búnir að bjarga sér og ekki að spila upp á neitt. Það hefði verið hægt að gera þetta miklu fyrr og þá hefði hann jafnvel verið klár í næsta tímabil.“

Brynjar tók til máls.

„Ég geri bara eina kröfu. Það er að menn fari eftir reglum. Ég er ekkert ofboðslega refsiglaður maður en lykilatriði eru að menn fái að finna fyrir því og taka ábyrgð.“

Umræðan í heild er í spilaranum.