Það muna flestir eftir framherjanum Alexandre Pato sem var ein af vonarstjörnum Brasilíu á sínum tíma.

Pato átti nokkuð farsælan feril sem leikmaður en hann gerði garðinn frægan sem leikmaður AC Milan á Ítalíu.

Pato er 33 ára gamall í dag en hann hefur einnig leikið með liðum eins og Chelsea og Villarreal.

Þá á leikmaðurinn að baki 27 landsleiki fyrir Brasilíu en hans síðasti landsleikur kom fyrir heilum tíu árum.

Pato er án félags í dag en hann lék með Orlando City í MLS deildinni síðast og skoraði þar þrjú mörk í 26 leikjum.

Nú er leikmaðurinn með boð frá UOL Esporte í Brasilíu um að snúa aftur heim en launin eru ekki í samræmi við það sem hann hefur upplifað áður.

UOL Esporte er aðeins tilbúið að borga Pato 1,3 milljón króna á viku sem samsvarar átta þúsund pundum.

Það eru lág laun jafnvel fyrir Brasilíu en Pato gæti þurft að kyngja því þar sem hann hefur verið mikið meiddur undanfarin ár.