Thomas Partey, leikmaður Arsenal, er alls ekki pirraður á að hafa misst byrjunarliðssæti sitt til Jorginho.

Partey segir sjálfur frá en hann hefur ekki byrjað síðustu tvo leiki liðsins og hefur Jorginho byrjað á miðjunni.

Partey var lykilmaður í liði Arsenal fyrri hluta tímabils en frammistaðan hefur ekki verið eins góð undanfarið.

,,Þetta er eitthvað sem ég hef upplifað margoft, ég hef alltaf verið í samkeppni sem er gott. Ég nýt þess,“ sagði Partey.

,,Ég er mjög ánægður fyrir hans hönd því undanfarnar tvær vikur hefur hann verið besti leikmaðurinn á æfingum og svo sérðu það í leikjunum.“

,,Ég er hæstánægður fyrir hann og ánægður að annar leikmaður sé tilbúinn að stíga inn svo enginn sé sofandi.“