Ravel Morrison var eitt sinn talinn ein af næstu stjörnum fótboltans. Svo fór þó ekki. Leikmaðurinn var líklega aldrei með hugarfar til að ná í fremstu röð.
Hinn þrítugi Morrison sló fyrst í gegn hjá Manchester United sem unglingur en vann sér aldrei fast sæti í aðalliðinu. Hann fór svo til West Ham 2015 en fram að því var hann lánaður hingað og þangað frá United, til að mynda til Birmingham.
Fyrrum liðsfélagi Morrison hjá Birmingham, Paul Caddis, ræddi Morrison einmitt í viðtali nýlega.
„Hann kom með svakalegt fylgdarlið með sér,“ sagði Caddis.
Þá átti Morrison þrjá rándýra sportbíla en kunni ekki að keyra þá.
„Hann kunni ekki að keyra en átti þrjá bíla, andskotinn hafi það. Þeir voru alltaf fullir af fólki.“
Morrison er í dag á mála hjá DC United í Bandaríkjunum. Þar er hann þó úti í kuldanum hjá Manchester United goðsögninni Wayne Rooney, sem þjálfar liðið.
Þá spilar hann með jamaíska landsliðinu, sem Heimir Hallgrímsson þjálfar.
