Það eru líkur á því að Declan Rice sé á förum frá West Ham í sumar.

Fyrirliðinn hefur verið frábær fyrir félagið undanfarin ár en nú er útlit fyrir að hann leiti í stærra félag.

Arsenal hefur helst verið nefnt til sögunnar, en Hamrarnir vilja um 120 milljónir punda fyrir kappann.

„Við áttum okkur fullkomlega á því að það eru góðar líkur á að Declan Rice verði ekki með okkur á næstu leiktíð,“ segir Moyes.

„Það er okkar markmið að halda Declan. Við vonumst til þess að hann verði áfram. Við myndum elska það ef hann verður leikmaður West Ham áfram en við áttum okkur á því að svo er ekki víst að fari.“

Eftir nokkuð erfitt tímabil er West Ham búið að koma sér frá fallpakkanum í ensku úrvalsdeildinni. Þá er liðið í undanúrslitum Sambandsdeildarinnar, þar sem það vann 2-1 sigur á Anderlecht í fyrri leik liðanna í gær.