Móðir Cristiano Ronaldo segir að fréttir síðasta mánaðar um erfiðleika í sambandi hans við Georginu Rodriguez séu ekki á rökum reistar.

Miðlar á Spáni og í Portúgal héldu því fram í síðasta mánuði að Ronaldo væri „kominn með nóg“ af Georginu og að þau væru á barmi þess að hætta saman.

Georgina brást þó fljótt við þessu á samfélagsmiðlum. „Þeir sem eru öfundsjúkir slúðra. Slúðrist dreifist út og hálfvitinn trúir því,“ skrifaði hún.

Ronaldo birti þá mynd af þeim skömmu síðar og skrifaði: „Skál fyrir ástinni.“

Nú hefur Dolores Aveiro, móðir Ronaldo, einnig tjáð sig.

„Þetta eru allt lygar,“ segir hún ákveðin.

„Öll pör rífast. En það sem hefur verið skrifað er bull.“

Ronaldo og Georgina búa í dag í Sádi-Arabíu ásamt börnum sínum. Þar leikur kappinn með Al-Nassr.