Það var nóg um að vera í fallbaráttunni í ensku úrvalsdeildinni í gær. Ofurtölvan góða hefur nú stokkað spil sín og greinir frá því hvernig er líklegast að hún endi.

Southampton er svo gott sem fallið eftir 4-3 tap gegn Nottingham Forest í gær. Sigurinn var hins vegar afar mikilvægur fyrir síðarnefnda liðið og samkvæmt Ofurtölvunni eru nú aðeins 37% líkur á að það falli.

Everton vann þá afar óvæntan 1-5 útisigur á Brighton og er í fínum málum.

Leicester tapaði 5-3 fyrir Fulham og er í tómu brasi.

Leeds er þá heldur ekki í góðum málum eftir tap gegn Manchester City um helgina.

Hér að neðan má sjá lokaniðurstöðuna í ensku úrvalsdeildinni samkvæmt Ofurtölvunni, sem og líkur á því að liðin falli.