Mason Greenwood framherji Manchester United hefur sagt vinum sínum að hann muni aldrei aftur spila fyrir félagið. Ensk götublöð fjalla um málið.

Hann telur að United vilji ekki nota sig eftir að grófar ásakanir á hann komu upp. Greenwood hefur ekki spilað fótbolta í rúmt ár eftir að hafa verið handtekinn. grunaður um nauðgun og ofbeldi í nánu sambandi.

Lögregla felldi málið niður á dögunum þegar lykilvitni breyttu framburði sínum og ný gögn komu á borð lögreglunnar.

United hefur ekki tekið ákvörðun um framtíð hins 21 árs gamla sóknarmanns. United vill hleypa Greenwood á æfingar en hann hefur verið í banni hjá félaginu frá því í janúar árið 2022 þegar hann var handtekinn.

United rannsakar málið sjálft og skoðar hvort þessi 21 árs gamli leikmaður eigi afturkvæmt hjá félaginu. Hann telur að félagið vilji ekki nota sig framar.

Fari svo að United vilji losna við hann virðist nokkur fjöldi félaga vilja taka hann en lið frá Tyrklandi hafa einnig sýnt mikinn áhuga.