Það er alls óvíst að Real Madrid hafi fjárhagslega burði til að kaupa Jude Bellingham í sumar.

Miðjumaðurinn 19 ára gamli er einn eftirsóttasti leikmaður heims og er ekki ólíklegt að hann yfirgefi Borussia Dortmund fyrir stærra lið í sumar.

Lengi vel var Liverpool talið leiða kapphlaupið um Bellingham. Félagið er hins vegar út úr myndinni. Því hefur verið haldið fram að Liverpool hafi ekki viljað borga meira en 84 milljónir punda.

Dortmund liggur ekkert á að selja sinn besta mann og vill 130 milljónir punda fyrir hann.

Real Madrid og Manchester City hafa einnig verið nefnd til sögunnar yfir hugsnlega kaupendur í sumar. AS á Spáni segir hins vegar að Real Madrid sé að undirbúa tilboð í Bellingham upp á 89 milljónir punda.

Það er því útlit fyrir að Madrídingar eigi nokkuð langt í land með að ganga að kröfum Dortmund.

Þetta setur City því í kjörstöðu fyrir sumarið.