Ríkharð Óskar Guðnason, þáttastjórnandi Þungavigtarinnar segir að honum hafi brugðið þegar hann sá líkamlegt ástand Andra Rúnars Bjarnasonar á sunnudag.

Talsvert hefur rætt um líkamlegt ástand Andra Rúnars sem gekk í raðir Vals á dögunum. Hann byrjaði sinn fyrsta leik fyrir Val í gær í sannfærandi sigri á fimmtu deildar liði RB í bikarnum.

„Það stingur svolítið í augun að Andri Rúnar spilar 60 mínútur og gerir ekii neitt. Hvernig fær hann ekki 90 mínútur þarna til að grinda sig í stand?,“ sagði Ingimar Helgi Finnsson sem var gestur í Þungavigtinni í gær.

Ríkharð sem er íþróttalýsandi á Stöð2 Sport og lýsti leik Vals og Breiðabliks á sunnudag, honum brá að sjá standið á Andra.

„Pottþétt ekki með púst í það, hann kom inn gegn Blikum. Þetta er í fyrsta sinn sem ég sé hann ekki í sjónvarpi, mér bara pínulítið brá,“ sagði Ríkharð.

Kristján Óli Sigurðsson tók þá til máls. „Mér finnst þetta líkjast best handboltastandi, er það ekki ágætis útskýring eða hrútskýring eins og einhverjir munu segja. Það er 2023, maður á kannski ekki að vera að gagnrýna útlit fólks. Hann er atvinnumaður í fóbolta,“ sagði Kristján og hélt áfram.

„When fit, þá er þetta einn af betri sóknarmönnum deildarinnar.“