Age Hareide landsliðsþjálfari Íslands í knattspyrnu hefur opnað dyrnar fyrir það að Gylfi Þór Sigurðsson snúi aftur í landsliðið.

Óvíst er hins vegar í dag hvort Gylfi Þór ætli að spila fótbolta aftur, Gylfi hefur ekki spilað fótbolta í að verða tvö ár.

Gylfi var undir rannsókn lögreglunnar í Manchester í rúma 600 daga en málið var fellt niður í síðustu viku. „Hann verður að ákveða hvort hann vilji spila fótbolta aftur. Ef hann gerir það verður hann í mínum plönum,“ sagði Hareide á fundi í dag þar sem hann var kynntur til leiks.

Ljóst er að Gylfi myndi styrkja íslenska landsliðið mikið ef hann finnur sinn fyrri styrk eða eitthvað nálægt honum. Hareide stýrir íslenska landsliðinu í fyrsta sinn í júní en ljóst er að Gylfi Þór verður ekki með þar.

Svona gæti sterkasta mögulega byrjunarlið Íslands litið út ef Gylfi Þór reimar á sig takkaskóna á nýjan leik. Age Hareide talaði afar vel um Arnór Sigurðsson kantmann Norköpping á fundi í dag og hafði einnig mikla trú á Hákoni Haraldssyni leikmanni FCK.

Sterkasta byrjunarlið Íslands – 4-3-3:
Rúnar Alex Rúnarssson

Guðlaugur Victor Pálsson
Sverrir Ingi Ingason
Hörður Björgvin Magnússon
Davíð Kristján Ólafsson

Aron Einar Gunnarsson
Gylfi Þór Sigurðsson
Hákon Arnar Haraldsson

Jóhann Berg Guðmundsson
Alfreð Finnbogason
Arnór Sigurðsson