Mike Ashley er einn skrautlegasti eigandi knattspyrnufélags í sögunni. The Upshot tók saman magnaðar sögur frá ferli hans sem eigandi Newcastle.
Það var árið 2007 sem Ashley keypti Newcastle á 133 milljónir punda. Hann varð vinsæll til að byrja með, þá sérstaklega eftir að hann sást þamba heilt glas af bjór uppi í stúku á leik einum.
Áfengi var aldrei langt undan þar sem Ashley var og truflaði það hann ekki að vera í vinnunni á meðan hann neytti þess. Eitt sinn drakk hann 12 bjóra og fjöldan allan af tekílaskotum í drykkjukeppni við bankasérfræðing. Hann ældi svo í arininn. Eitt sinn lagði hann sig svo undir borði á viðskiptafundi og sagðist ekki ætla að koma undan því fyrr en einhver kæmi með bjór á svæðið.
Ashley var hins vegar ekki lengi vinsæll hjá stuðningsmönnum Newcastle. Hann kom félaginu í gríðarmikla skuld. Hann skar niður í kostnaði með því að ráða félaga sína í störf á bak við tjöldin og skömmu síðar hætti þjálfarinn Kevin Keegan, við litla hrifningu stuðningsmanna.
Ashley gerði margt annað til að pirra stuðningsmenn. Hann breytti til að mynda nafni heimavallarins St James Park í Sports Direct Arena, en Ashley er eigandi Sports Direct.
Þá gaf hann Alan Pardew og starfsliði hans 8 ára samninga árið 2012. Þeir voru hættir skömmu síðar en það þurfti að borga þeim til 2020.
Árið 2021 seldi Ashley loks félagið til fjárfestingasjóðs Sádi-Arabíu fyrir 300 milljónir punda. Hann græddi 55 milljónir punda og fagnaði á bar í London. Þegar hann fór gaf hann barþjóninum aðeins fimm pund í þjórfé.
Fleiri magnaðar sögur eru í meðfylgjandi þræði.
Mike Ashley’s Newcastle reign was a disaster for fans, and behind the scenes it was booze-soaked chaos.
The portly billionaire enjoyed 14 years of drunken mayhem at St James Park.
From puking in fireplaces to stripping at staff parties, welcome to Big Mike’s decade on the Toon. pic.twitter.com/PPaY1nZd8d
— The Upshot (@UpshotTowers) March 31, 2023
