Age Hareide nýr þjálfari íslenska landsliðsins segist stefna á það að koma íslenska landsliðinu á Evrópumótið í knattspyrnu á næsta ári.

Hareide tekur við liðinu af Arnari Viðarssyni sem rekinn var út starfi á dögunum. Tveimur leikjum er lokið í undankeppni EM og er Ísland með þrjú stig.

„Ég hef fylgst með íslenska liðinu nokkuð lengi, sérstaklega í kringum árin sem liðið fór á EM 2016 og HM 2018, og ég er fullur tilhlökkunar að takast á við áskorunina að hjálpa liðinu að ná árangri að nýju,“ segir Age við heimasíðu KSÍ.

Age er ekki mættur til landsins en mun eftir helgi verða kynntur til leiks hæér á landi.

„Ísland á marga sterka leikmenn. Ég hef séð marga þeirra spila fyrir sín félagslið í Skandinavíu og hef líka þjálfað nokkra íslenska leikmenn í gegnum tíðina. Almennt eru þeir áreiðanlegir og vinnusamir, en líka agaðir leikmenn með taktíska greind, og þú þarft þessa eiginleika til að ná árangri í landsliðsfótbolta.“

Age sem áður þjálfaði danska landsliðið en hann er 69 ára og hefur starfað í þjálfun frá árinu 1985.

„Markmið okkar er að komast á EM 2024. Ég man vel eftir íslensku stuðningsmönnunum í Frakklandi 2016. Þeir voru með alveg einstaka stemmningu og ástríðu. Það væri frábært að geta gefið þeim tækifæri til að endurtaka leikinn og við vonumst til þess að stúkurnar verði fullar af fólki á okkar heimavelli í Reykjavík.“