Chelsea tapaði fyrir Real Madrid í gær í fyrri leik liðanna í 8-liða úrslitum Meistaradeildar Evrópu. Frank Lampard hefur ekki gefið upp alla von fyrir seinni leikinn.
Karim Benzema og Marco Asensio sáu til þess að Real Madrid fer með 2-0 forystu inn í seinni leikinn í London.
Chelsea var manni færri síðasta hálftímann í gær eftir að Ben Chilwell fékk rautt spjald. Lampard, sem stýrir liðinu til bráðabirgða, var sáttur með sína menn miðað við aðstæður.
„Mér fannst þeir ekki ná að opna okkur manni fleiri. Það var út af liðsandanum hjá okkur. Við fengum tækifæri í leiknum, þrjá nokkuð góða sénsa,“ sagði hann eftir leik.
Lampard reyndi að berja trú í brjóst leikmanna að leik loknum.
„Ég sagði við leikmenn að sérstakir hlutir gætu gerst á Stamford Bridge. Real er mjög gott lið en við verðum að trúa.
Seinni leikur liðanna fer fram á þriðjudag.
