Shona River klámstjarna frá Ungverjalandi segist hafa unnið sem vændiskona fyrir þrjá leikmenn Manchester United, hún segir einn þeirra hafa stolið af sér 200 pundum til að borga fyrir pizzur.

River segir frá þessu í hlaðvarpinu How To Be A Pornstar. Þar segir hún að leikmenn í ensku úrvalsdeildinni séu oft feimnir við að borga vændiskonum, þeir vilji fá slíkt frítt.

„Þeir vilja að þú sért með þeim af því að þeir eru frægir, þeir vilja samt ekkert vera í sambandi með þér,“ sagði River.

„Þeir vilja að þú sért í skugganum á þeim, bara af því að þeir eiga peninga en þeir eru ekki að láta þessa peninga fara til þín.“

River segir svo frá kvöldi sínu með leikmmanni Manchester United þar sem hann tók peningana hennar. „Ég spurði hann um þessa peninga, hann sagðist hafa þurft að kaupa pizzur fyrir vini sína og að hann væri ekki með meira reiðufé.“

Þessi 28 ára gamla kona segist hafa þjónustað tvo aðra leikmenn Manchester United en vildi ekki greina frá nöfnum þeirra.