Besta deild karla fer af stað þann 10. apríl en þetta er í annað sinn sem deildin er með þessu fyrirkomulagi. Spilaðir verða 22 leikir og að þeim umferðum loknum er deildinni skipt upp í tvo hluta, eru þá spilaðir fimm leikir. 433.is mun á næstu dögum spá í spilin.

11.sæti – Fram

Framarar þurfa að óttast fall­drauginn í sumar en eftir frá­bært tíma­bil í fyrra er hætt við því að heil­kennið sem fylgir oft öðru tíma­bili í efstu deild banki upp á. Fram hefur misst meira en liðið hefur sótt og gæti það verið á­hyggju­efni.

Varnar­leikur liðsins var ansi slakur á síðustu leik­tíð og fékk liðið á sig 63 mörk í 27 leikjum, að­eins liðin sem féllu úr deildinni fengu fleiri mörk á sig. Fram hefur fengið þrjá leik­menn til sín í vetur en allir eiga það sam­eigin­legt að vera ó­skrifað blað í efstu deild, Adam Örn Arnar­son hefur reynslu úr at­vinnu­mennsku en hann lék með Breiða­bliki og Leikni á síðustu leik­tíð og fann ekki sitt besta form.

Spáin:
12 sæti – Fylkir

Fram hefur misst mikil­væga leik­menn og nægir þar að nefna Alex Frey Elís­son og Almar Ormars­son sem áttu stóran þátt í því að Fram vegnaði vel á síðustuleik­tíð. Guð­mundur Magnús­son skoraði sau­tján mörk á síðustu leik­tíð og ó­víst er hvort hann geti haldið upp­teknum hætti.

Lykilmaður: Guðmundur Magnússon
Þjálfari: Jón Sveinsson
Heimavöllur: Framvöllur, Úlfarsárdal
Íslandsmeistarar: 18 sinnum

Komnir
Adam Örn Arnarson
Aron Jóhannsson
Orri Sigurjónsson

Farnir
Almarr Ormarsson
Gunnar Gunnarsson
Indriði Áki Þorláksson
Jesús Yendis
Alex Freyr Elísson