Á vef Fréttablaðsins í kvöld er fjallað um það að mál Gylfa Þórs Sigurðssonar sé enn á borði saksóknaraembættisins í Manchester.
Málið hefur verið þar á borði í mánuð eftir að lögregla lauk rannsókn á meintu broti gegn ólögráða einstaklingi.
„Það eru engar nýjar vendingar í þessu máli. Við getum ekki komið með nákvæman tímaramma á því hvenær ákvörðun verður tekin,“ segir í svari William Spencer, hjá embættinu til Fréttablaðsins.
Gylfi hefur verið því í júlí árið 2021 verið í farbanni á Englandi eftir að hann var handtekinn vegna meints brots.
Rannsókn lögreglu er lokið en saksóknaraembættið hefur undanfarið farið yfir gögn málsins.
Saksóknari tekur svo ákvörðun um það hvort málið verði fellt niður eða þá að ákært verði í málinu, þá fer málið fyrir dómstóla.
Samkvæmt enskum miðlum hefur Gylfi Þór hafnað sök í málinu. Gylfi hefur ekki spilað fótbolta frá því að málið kom upp en samningur hans við Everton rann út sumarið 2022.
