Geoffrey Castillion framherjinn knái frá Hollandi mun ekki semja við Grindavík eftir að hafa slitið hásin á æfingu liðsins í gær.

Castillion var með Grindavík í æfingaferð en Kristján Óli Sigurðsson sagði fyrst frá.

Jón Júlíus Karlsson framkvæmdarstjóri Grindavíkur segir í samtali við 433.is að Castillion hafi haldið heim til Hollands í dag.

„Hann var á reynslu en sleit hásin á æfingu og fór heim til Hollands í morgun,“ segir Jón Júlíus.

Castillion hafði átt góða spretti hér á landi árum áður með bæði Víkingi, FH og Fylki en Grindavík leikur í Lengjudeildinni.

Castillion sleit hásin á fyrstu æfingu með Grindavík á Spáni. Úffffff sagt með Mækara rödd.

— Kristján Óli Sigurðsson (@kristjanoli) March 29, 2023