Hiba Abouk, eigin­kona Marokkóska knatt­spyrnu­mannsins Achraf Ha­kimi, hefur tjáð sig eftir að á­sakanir á hendur honum um nauðgun litu dagsins ljós. Abouk stendur með þolandanum í þessu máli og vonar að réttar­kerfið muni standa sig í þessu máli.

Hiba Abouk, eigin­kona Ha­kimi tjáði sig um málið á sam­fé­lags­miðlum í dag en þau eru að skilja og sagðist Abouk ekki búa með leik­manninum lengur. Sú staða hafi komið upp áður en á­sakanir á hendur Ha­kimi litu dagsins ljós.

Á Insta­gram í dag sagði Abouk að á­sakanirnar á hendur Ha­kimi hafi valdið henni skömm og sagðist hún þurfa tíma til þess að með­taka sjokkið sem þessu fylgir.

„Það segir sig sjálft að ég hef alltaf verið og mun alltaf standa með þol­endum. Þess vegna og miðað við al­var­leika á­sakananna, verðum við að treysta á að rétt­lætið muni að lokum sigra.“

Þrátt fyrir að á­sakanirnar hafi litið dagsins ljós heldur Ha­kimi á­fram að spila fyrir fé­lags- og lands­lið sitt. Lög­maður hans tjáði sig við franska miðilinn Le Parisien í síðasta mánuði og segir hann þver­taka fyrir á­sakanirnar.

„Hann er ró­legur og sýnir sam­starfs­vilja.“