Íslenska karlalandsliðið í knattspyrnu vann sinn stærsta sigur í keppnisleik í sögunni þegar liðið vann 0-7 sigur á Liechtenstein nú rétt í þessu.
Davíð Kristján Ólafsson og Hákon Arnar Haraldsson skoruðu mörk Íslands í fyrri hálfleik en báðir voru að skora sín fyrstu mörk sín fyrir landsliðið.
Aron Einar Gunnarsson tók svo yfir sviðið í síðari hálfleik og skoraði þrennu. Fyrstu tvö mörk Arons komu með skalla eftir fast leikatriði.
Það fimmta kom svo úr vítaspyrnu og þrenna Arons var fullkomnuð. Aron hafði skorað tvö mörk í fyrstu 100 landsleikjum sínum en mörkin eru nú fimm í heildina í 101 landsleik.
Andri Lucas Guðjohnsen bætti svo við sjötta marki Íslands með fínu marki á fjærstönginni. Dagskránni var hins vegar ekki lokið því Mikael Egill Ellertsson skoraði sitt fyrsta landsliðsmark og kom Íslandi í 0-7.
Þetta er í fyrsta sinn sem Ísland skorar sjö mörk í keppnisleik, áður hafði liðið aðeins skorað fjögur mörk í keppnisleik. Er þetta því stærsti sigur sögunnar en Arnar Þór Viðarsson þjálfari liðsins hefur átt undir högg að sækja hjá íslensku þjóðinni.
Hér eru einkunnir leikmanna Íslands.
Rúnar Alex – 7
Hafði svo gott sem ekkert að gera í dag.
Guðlaugur Victor – 7
Komst mjög vel frá þægilegu verkefni í dag.
Aron Einar (75′) – 9
Gjörsamlega frábær í dag. Þrenna og stoðsending auk þess sem hann átti þátt í fyrsta markinu. Stýrði öllu á vellinum.
Hörður Björgvin (65′) – 7
Afar rólegur dagur hjá Herði.
Davíð Kristján – 7
Skoraði sitt fyrsta landsliðsmark og var ansi sprækur.
Stefán Teitur – 7
Leysti stöðu sína vel á miðjunni
Jóhann Berg (46′) – 7
Sýndi flotta takta en fór af velli í hálfleik.
Hákon Arnar – 8
Skoraði, fiskaði víti og sýndi stórkostlega takta.
Arnór Sigurðsson (65′) – 6
Sást ekki mjög mikið til hans. Gerði frábærlega í marki sem dæmt var af Hákoni en það telst ekki með.
Jón Dagur – 8
Stoðsendingaþrenna og mjög flottur leikur á kantinum.
Alfreð Finnbogason (65′) – 7
Tókst ekki að skora en náði að tengja vel við miðjuna.
Varamenn
Mikael Anderson (46′) – 6
Mikael Egill Ellertsson (65′) – 7
Alfons Sampsted (65′) – 6
Andri Lucas Guðjohnsen (65′) – 7
Ísak Bergmann Jóhannesson (75′) – 6
