Alexis Sanchez hefur opnað sig um af hverju hann gekk í raðir Manchester United árið 2018 frá Arsenal.

Manchester City var í bílstjórasætinu í langan tíma áður en Man Utd kom til sögunnar og tryggði sér þjónustu sóknarmannsins.

Sanchez var alltaf ákveðinn í að ganga í raðir Man City undir stjórn Pep Guardiola áður en hann fékk símtal frá Jose Mourinho, þáverandi stóra Man Utd,.

,,Ég var við það að ganga í raðir Manchester City og ég ræddi við Pep Guardiola á hverjum einasta degi,“ sagði Sanchez.

,,Hann var eins og pabbi minn þarna. Hann var pabbi minn hjá Barcelona og líka hjá Man City.“

,,Við ræddum saman á hverjum einasta degi og hann sendi mér skilaboð. Allt var klárt og það var leikmaður sem myndi ganga í raðir Arsenal.“

,,Stuttu seinna hringir síminn og Jose Mourinho segir mér að sjöan sé tilbúin fyrir mig á Old Trafford.

,,Ég hugsaði með mér að leikmaður frá Síle, myndi spila fyrir Manchester United, eitthvað sem hefur aldrei áður gerst.“

,,Þarna voru sjöur eins og Eric Cantona, David Beckham, Cristiano Ronaldo og nú gat leikmaður frá Síle gert það sama. Ég sé ekki eftir skrefinu, hlutir gerast að ástæðu.“