Greint er frá því á vef The Athletic nú í morgunsárið að Liverpool færist fjær því að klófesta enska ungstirnið, miðjumanninn Jude Bellingham frá Borussia Dortmund.

Bellingham, sem hefur slegið í gegn með enska landsliðinu sem og Dortmund, er eftirsóttur um þessar mundir. Englendingurinn er á samningi hjá Dortmund til sumarsins 2025, ekki er ákvæði um að hann megi frá félaginu fyrir einhverja ákveðna upphæð og því geta forráðamenn Dortmund spilað sig eins stóra og þeir geta þegar kemur að tilboðum í kappann.

Talið er að lið á borð við Liverpool, Manchester City og Real Madrid séu öll á höttunum á eftir Bellingham.

,,Þar sem að það er ekki ákvæði um ákveðið kaupverð í samningi Bellingham, þá eru launveitendur hans ekki undir neinni kvöð á að selja hann og meðal annars vegna þess er talið að það muni þurfa að reiða fram ansi stóra fjárhæð til þess staða þeirra breytist,“ segir í frétt The Athletic í morgun.

Út frá þessu séð staðan farin að líta meir og meir þannig út að ólíklegt sé að Liverpool klófesti kappann.

,,Það þýðir ekki liðið sé hætt við að reyna kaupa hann, engin ákvörðun hefur verið tekin í þeim efnum þó svo að heimildarmenn okkar í málinu telja City og Real Madrid vera í sterkari stöðu eins og staðan er núna.