Liverpool-goðsögnin Jamie Carragher virðist taka vel í skot Rio Ferdinand ef marka má svar hans á Twitter.
Ferdinand hjólaði í Jamie Carragher og Graeme Souness fyrir að reyna að stuða Gary Neville og Roy Keane eftir 7-0 sigur Liverpool á Manchester United á dögunum.
Liverpool vann ótrúlegan 7-0 sigur á United en tapaði svo næsta leik gegn Bournemouth um síðustu helgi, 1-0.
„Þetta er hugarfar hjá litlu félagi,“ sagði United-goðsögnin Ferdinand um hegðun Carragher og Souness eftir stórsigur Liverpool á United á dögunum.
„Hvernig Souness og Carragher fögnuðu, hvernig þeir reyndu að stuða Roy Keane og Gary Neville, svo gerir þeirra lið þetta um helgina (tapar fyrir Bournemouth).
Þeir ættu að skammast sín.“
Carragher virðist taka vel í þetta og hlær að ummælum Ferdinand í svari sínu.
💯😂😂
— Jamie Carragher (@Carra23) March 14, 2023
