Albert Guðmundsson leikmaður Genoa verður ekki í landsliðshópi Arnars Þórs Viðarssonar sem kynntur verður á morgun.
Þetta hefur 433.is samkvæmt mjög öruggum heimildum. Arnar Þór hafði á dögunum opnað á samtali við Albert um mögulega endurkomu í landsliðið en af henni veðrur ekki
Hópurinn fyrir leiki gegn Bosníu og Liechtenstein í undankeppni Evrópumótsins 2024 verður opinberaður á morgun. Búist er við að Arnar Þór opinberi þá hvað fór á milli hans og Alberts.
Síðasta haust hætti Arnar að velja Albert í hóp sinn vegna ósættis þeirra á milli. Þjálfarinn sagði þennan leikmann Genoa á Ítalíu hafa sýnt slæmt hugarfar í verkefnum á undan.
Albert hefur átt fínt tímabil með Genoa í ítölsku B-deildinni. Hann hefur skorað níu mörk og lagt upp fimm í 29 leikjum.
Ísland mætir Bosníu þann 23. mars en Liechtenstein þremur dögum síðar.
