Roberto Firmino er að gera mistök með því að yfirgefa lið Liverpool að sögn miðjumannsins, Fabinho.

Fabinho og Firmino eru báðir frá Brasilíu og leika með félaginu en sá síðarnefndi er að kveðja í sumar eftir mörg góð ár hjá félaginu.

Samningur Firmino rennur út eftir aðeins nokkra mánuði en Fabinho vonar innilega að landi sinn taki U-beygju.

,,Bobby er sérstakur náungi. Það er frábært að eiga hann sem samherja. Hann er einhver sem öllum líkar við,“ sagði Fabinho.

,,Þetta er náungi sem ætti að vera hjá Liverpool að eilífu, hann hefur verið svo mikilvægur síðan ég kom.“

,,Ég vil ekki tala of mikið um framtíðina en við skulum njóta tímans sem við eigum eftir saman. Ég veit ekki hvort staðan geti ennþá breyst.“