Nicolaj Madsen mun ekki spila með Vestra í sumar en hann hefur rift samningi sínum við félagið.

Þetta hefur Vestri staðfest en þessi 34 ára gamli leikmaður var samningsbundinn út næsta tímabil.

Vestri gaf frá sér tilkynningu í gær þar sem staðfest er að Madsen sé nú farinn en hann er 34 ára gamall miðjumaður.

Tilkynning Vestra:

„Að óskum Nicolaj ‘Niko’ Madsen hefur stjórn Vestra samþykkt óskir hans um að losna undan samning við félagið. Niko hefur verið að fást við persónuleg málefni sem gera það að verkum að hann mun ekki eiga heimagegnt vestur í sumar.“

„Viljum við óska Niko velfarnarðar í leik og starfi og sendum baráttukveðjur til hans í þeirri vegferð sem hann er á til að ná bata.“

„Stjórn, þjálfarar og leikmenn Vestra vilja þakka Niko innilega fyrir þann tíma sem hann hefur verið hjá okkur en hann er og verður alltaf einn af okkur. Takk fyrir allt Niko!“