Gabriel Jesus æfði með aðalliði Arsenal í dag, degi fyrir leik liðsins gegn Sporting í Evrópudeildinni.

Liðin mætast í fyrri leik 16-liða úrslita keppninnar annað kvöld og fara leikmenn Arsenal til Portúgal í dag. Síðari leikurinn fer fram í London viku síðar.

Jesus hefur verið meiddur síðan á Heimsmeistaramótinu í Katar fyrir áramót. Hann meiddist á hné í leik með Brasilíu og þurfti að fara í aðgerð.

Mikel Arteta sagði í síðustu viku að Jesus færðist nær því að snúa aftur og það virðist ætla gerast fljótlega.

Kappinn var mættur á æfingu Arsenal í dag.

Í gær var greint frá því að Jesus gæti óvænt ferðast með Arsenal í leikinn við Sporting.

Það eru þó afar litlar líkur á að sóknarmaðurinn spili gegn Sporting. Ferðalag hans með liðinu yrði aðeins hluti af því að koma honum inn í hlutina á ný.

Talið er líklegt að Jesus snúi aftur í byrjun apríl gegn Leeds eftir landsleikjahlé.

At Colney – Gabriel Jesus coming out for training with the squad. pic.twitter.com/txFrxeXY0m

— Charles Watts (@charles_watts) March 8, 2023