Tungumálakennaranum Söru Duque hefur verið meinað að kenna nokkrum stjörnum ensku úrvalsdeildarinnar þar sem mökum leikmannanna stendur ekki á sama að þeir séu að eyða tíma með henni.
Sara getur talað sex tungumál reiprennandi, þar á meðal ensku, þýsku, spænsku, frönsku og móðurmál sitt portúgölsku. Það er útlit hennar sem ógnar mökum þeirra leikmanna sem hefur verið meinað að nýta sér þjónustu hennar.
Sara er afar vinsæl á samfélagsmiðlum og er með yfir 156 þúsund fylgjendur á Instagram. Hún hefur í gegnum tíðina tekið að sér að kenna leikmönnum, sem hafa gengið frá félagsskiptum til liða í ensku úrvalsdeildinni, ensku. Þeirra á meðal eru argentínski framherjinn Julian Alvarez, leikmaður Manchester City og Arthur Melo, miðjumaður Liverpool.
Greint var frá málavendingunum fyrst í argentínskum fjölmiðlum og greip breska götublaðið The Sun málið á lofti.
View this post on Instagram
