„Núna kemur alvöru prófið, hvernig svarar United þessu,“ segir Richard Keys fyrrum sérfræðingur Sky Sports sem starfar nú í Katar.

Hann er lítið hrifin af því hvernig Erik ten Hag stjóri Manchester United afsakar sig eftir 7-0 tap gegn Liverpool um helgina og uppnefnir hann.

„Getur Seven Hag látið liðið spila fótbolta í stað þess að sitja til baka og treysta á hraða Rashford?.“

„Ten Hag virkar á mig sem maður sem er til í að taka hrósi þegar vel gengur en það er alltaf öðrum að kenna þegar illa fer. Í þetta skiptið fóru leikmenn ekki eftir planinu hans, með öðrum orðum ekki kenna honum um.“

„Ég hefði frekar viljað heyra hann tala um slys og að þetta væri eitt skipti, að þetta myndi ekki gerast aftur. Taktu þetta á kinnina.“

Hann segir svo að hinn hollenski Wout Weghorst sé lélegasti leikmaður í sögu Manchester United og það sé Ten Hag að kenna að spila honum.

„Það er ákvörðun Ten Hag að spila Wout, það er ekki Wout að kenna. Hann hlýtur að vera lélegasti leikmaður sögunnar sem klæðist treyju félagsins.“

„Hann er ósköp venjulegur framherji sem datt úr slöku Burnley liði. Hvernig heldur Seven Hag að hann geti spilað sem tía hjá United? Hann er ekkert frábær að pressa, hann hleypur lítið því hann getur ekki hlaupið. Hann skorar ekki mörk, hann má ekki byrja. Að setja Bruno á kantinn og Sancho á bekkinn, þar er Erik að reyna að vera of sniðugur.“