Erik ten Hag, knatt­spyrnu­stjóri Manchester United var mættur snemma til vinnu á æfinga­svæði fé­lagsins í morgun, degi eftir að lið hans beið af­hroð gegn erki­fjendunum í Liver­pool í ensku úr­vals­deildinni í gær.

Liver­pool niður­lægði Manchester United í gær með sjö mörkum gegn engu og það virtist því ansi tákn­rænt að klukkan sjö í morgun var Ten Hag mættur til starfa á æfinga­svæði Manchester United, Carrington.

Tveimur tímum síðar, klukkan níu, mátti sjá leik­menn mæta á svæðið en það er Manchester E­vening News sem greinir frá.

Heimildar­menn blaðsins tengdir Manchester United segja að fyrir leikinn gegn Liver­pool hafi það verið á­kveðið að leik­menn myndu mæta til léttra æfinga á æfinga­svæðinu á þessum tíma.

Í við­tali eftir leik gær­dagsins lét Ten Hag hafa það eftir sér að liðið megi ekki tapa leikjum á þennan hátt, hann sá ellefu ein­stak­linga inn á vellinum, ekki eitt lið.

„Það getur komið fyrir að leikir tapast en það má ekki gerast á þennan hátt. Þá er seinni hálf­leikurinn hjá okkur ó­á­sættan­legur, þetta er ekki Manchester United.

Þetta má ekki gerast og við þurfum að eiga sam­tal um þetta. Ég sá ellefu ein­stak­linga inn á vellinum missa hausinn. Þetta var ekki Manchester United.“